Ganito ako noon-- ano ako ngayon?: Isang pag-aaral ukol sa proseso ng pagbabago ng mga piling Pilipinong lalaking homosekswal tungo sa pagiging lalaking heterosekswal

Ang eksploratoryong pag-aaral na ito ay ukol sa proseso ng pagbabago ng isang lalaking homosekswal tungo sa pagiging lalaking heterosekswal. Gumamit ng palatanungang-gabay sa malalimang pakikipagpanayam bilang pangunahing instrumento sa pagkuha ng datos. Ang mga kalahok ay nakuha sa pamamagitan ng purposive sampling at chain-referral. Ang kabuuang bilang ng mga kalahok ay 9 sa ginawang malalimang pakikipagpanayam. Ginamit ang case analysis sa pagsusuri ng mga datos na nakuha sa malalimang pakikipagpanayam sa bawat kalahok. Lumabas na ang pansariling hangarin na magkaroon ng sariling pamilya, life change unit at pagsunod sa mga Salita ng Diyos ang siyang nakaapekto sa proseso ng pagbabago ng mga lalaking homosekswal tungo sa pagiging lalaking heterosekswal na kung saan nakapagbibigay ng kalituhan sa kanyang sekswalidad partikular na sa kanyang sekswal na oryentasyon. Ang pagkamulat sa pangkalahatang pagkatao ang sumunod sa hakbang na kung saan ang pagdedesisyong magbago ay nangyayari. Sa kaganapang ito, ang pagiisip ukol sa paraan ng pagbabago ang sumunod na hakbang na kalimitang ginagawa. Mula sa mga paraang naisip, aalamin niya ang epektibong paraan ng pagbabago ng katauhan ng isang homosekswal. Natuklasan na ang pagtanggap o pagbabalik-loob sa Diyos ang naging epektibong paraan sa pagbabago ng katauhan ng isang homosekswal. Natuklasan na ang pagtanggap o pagbabalik-loob sa Diyos ang naging epektibong paraan sa pagbabago ng katauhan ng isang homosekswal maging anumang relihiyon ang kanyang paniwalaan. Ang huling hakbang sa prosesong ito ay ang pagmementena sa kanilang bagong katauhan. Pagkatapos dumaan sa prosesong ito, nagbago ang kanilang gender role sa pagdaragdag ng mga gawaing nauukol sa lalaki at sa oryentasyong sekswal na nagdidikta ng kanilang sekswal na preperensya patungo na sa mga babaeng heterosekswal. Humigit kumulang sa dalawa hanggang labing-anim na taon na ang nakalipas simula nang magbago ang mga kalahok subalit patuloy pa rin ang pagdating ng mga pagsubok sa kanilang buhay na nak