Korleis YouTube-bedrifter sine val av inntektsstraumar påverkar videoinnhaldet dei produserer

Denne masteroppgåva ser på korleis val av inntektsstraum hjå YouTube-bedrifter påverkar innhaldet dei produserer. Målet med forskinga er å betre forstå maktspelet mellom internettvideoskapar, videodelingsplattform og eksterne annonsørar, og korleis dette påverkar sluttproduktet som blir servert til publikum. Oppgåva er eit kvalitativt induktivt studie som nyttar empiriske data frå eit variert utval YouTube-bedrifter. Dataa frå desse 17 analyserte YouTube-bedriftene i dette studiet består av fem djupneintervju og tolv offentlege førstehandskjelder, og dei har til saman over 8.4 milliardar visningar på internettvideoane dei har produsert. Oppgåva bidreg til litteraturen ved å avdekke og nyansere ukjende faktorar om korleis kreative bedrifter som desse kan drive berekraftig produksjon av internettvideoar. Funna tyder på at bevisstheit rundt val av inntektsstraum er avgjerande for korleis inntektsstraumane til internettvideoskaparar påverkar innhaldet dei produserer. YouTube-bedrifter som i størst grad er prega av økonomisk motivasjon har ein tendens til å vere meir åpne for å endre innhaldet i internettvideoane, så dei kan prioritere stabile og kontinuerlege inntektsstraumar. Til samanlikning har kreativt motiverte YouTube-bedrifter ein tendens til å vere meir åpne for endring av inntektsgenererande faktorar, slik at innhaldet dei produserer i større grad er upåvirka av kommersielle krefter. Anbefalt vidare forsking omhandlar digital distribusjon av fysiske produkt. Fleire YouTube-bedrifter lagar fysiske produkt og viser dei fram til eit stort publikum gjennom strategisk utforma internettvideoar. Denne framstillinga av produktet tilfredsstiller publikum i stor nok grad til at YouTube-bedrifta slepp å produsere ytterlegare fysiske kopiar av det fysiske produktet - kun digitale