Investigation of Particle and Heavy Metal Removal and Detergent Degradation in Sedimented Tunnel Wash Water

Noreg har mange vegtunnelar, som treng jamleg vasking på grunn av trafikktryggleik og vedlikehald. Vaskevatnet inneheld mykje partiklar, og er ureina av tungmetall, PAH, vaskemiddel og mikroplast. Det er vist at vatnet har økotoksiologiske effektar, og det er anbefalingar om reinsing før det blir slept til resipient. I nyare tunnelar i Noreg har dette vanlegvis blitt implementert som eit innandørs sedimentasjonsbasseng som første reinsesteg. Vatnet vert oppbevart her i omlag 30 dagar, hovudsakleg for å bryte ned vaskemidla og for å fjerne partiklar. Det er lite kunnskap om reinseeffekten av dette; slik som kor bra vaskemidla vert nedbrotne i dei mørke og kalde omgivnadene, og kva som skjer med dei oppløyste ureiningane. I denne studien vart tunnelvaskevatn henta frå tre tunnelar i Oslo og lagra kjølig i 35 dagar. I løpet av den tida vart dei følgande parametrane overvaka: totalt tørrstoff (TS) , totalt suspendert stoff (TSS), turbiditet, partikkelstorleiksfordeling, pH, konduktivitet, innhald av vaskemiddel (ved å sjå på oppløyst organisk karbon og eksklusjonskromatografi), metallkonsentrasjonar og oppløyst oksygen. Resultata viser ein tydeleg reduksjon av TSS (88-91%) og turbiditet (80-95%) . Målt pH heldt seg stabil rundt 8. Ein konsentrasjon av TS på 1.16-2.34 g/L vart målt etter sedimentering, som truleg kjem frå vegsalt. Konsentrasjonen av oppløyst oksygen vart i nokre tilfelle redusert til anaerobe forhold og ein liten nedgang i oppløyst organisk karbon vart observert, som kan indikere nedbryting av vaskemidla. Dette burde imidlertidig undersøkast vidare. Partikkelstorleiksfordelinga viste mange små partiklar <10 μm. Metallfraksjonane > 1.2 μm vart tydeleg redusert, medan dei mindre fraksjonane såg ikkje ut til å bli fjerna. Resultata viser ein tydeleg reduksjon av TSS (88-91%) og turbiditet (80-95%). Målt pH heldt seg stabil rundt 8. Ein konsentrasjon av TS på 1.16-2.34 g/L vart målt etter sedimentering, som truleg kjem frå vegsalt. Konsentrasjonen av oppløyst oksygen vart i nokre tilfelle redusert til anaerobe forhold og ein liten nedgang i oppløyst organisk karbon vart observert, som kan indikere nedbryting av vaskemidla. Dette burde imidlertidig undersøkast vidare. Partikkelstorleiksfordelinga viste mange små partiklar <10 μm. Metallfraksjonane > 1.2 μm vart tydeleg redusert, medan dei mindre fraksjonane såg ikkje ut til å bli fjerna. Etter sedimentering var TSS konsentrasjonen i vatnet under den mykje brukte grensa på 100 mg/L. Totalkonsentrasjonen av kobber og sink enda opp i EQS klasse 2 eller 4, avhengig av type resipient (ferskvatn eller sjøvatn). På grunn av dei høge metallkonsentrasjonane, kombinert med usikkerheiter rundt nedbryting av vaskemidla, burde eit andre reinsesteg verte vurdert