Evaluering av NSRM

Norsk senter for rusfri miljøutvikling, NSRM, har gjeve RF-Rogalandsforskning i oppdrag å gjennomføre ei evaluering av tiltak som fell inn under organisasjonen sitt arbeid for å fremje rusførebyggande arbeid i Noreg. Medlemsorganisasjonane som fell inn under NSRM er Norske Lagsbruk (NL), Norske Misjonshotell, Gjestehus & Ungdomssenter (NM-Hotels), Landslaget for Alkoholfrie Serverings- og Samlingsstader (LASS) og Norske Vandrerhjem (NV). Evalueringsprosjektet er delt i to fasar, eit forprosjekt med utgangspunkt i 27 verksemder og eit hovudprosjekt som skal femne alle dei vel 550 verksemdene tilslutta dei landssamanslutningane som samarbeider innanfor NSRM. I forprosjekt-fasen har målsettingane vore å: • Få eit oversyn over verksemder, tiltak og målgrupper. • Utvikle forskbare hypotesar om dei rusførebyggande effektane tiltaka kan tenkast å ha. • Utvikle eit metodisk design for prosjektet. • Utvikle spørjeskjema og intervjuguidar. • Gjennomføre ei prøve-datainnsamling (pilot studie). • Analysere data primært for å teste om dei utvikla metodane kan komme til å gje svar på dei hypotesane som er formulert. I denne rapporten vil vi presentere resultata og erfaringane frå dette forprosjektet og presentere planane for gjennomføringa av hovudprosjektet