Handbók : kraftþjálfun ungmenna

Kennsluleiðbeiningar fyrir þjálfun ungmenna á aldrinum 12-14 ára í kraftþjálfun eru ætlaðar til þess að leiðbeina þjálfurum í starfi sínu. Þjálfun 12-14 ára ungmenna er krefjandi þar sem þau þroskast og vaxa hratt á þessum árum vegna kynþroskaskeiðs. Þarf því sérstaklega að gæta þess að þau verkefni sem iðkendur fá eru í samræmi við bæði hæfni og þroska. Þjálfarinn þarf því að vera meðvitaður um að þroski ungmenna er margbreytilegur bæði líkamlegur sem og andlegur. Þjálfarar þurfa því að skipuleggja þjálfunina með það að leiðarljósi. Leggja á áherslu á það að þjálfunin tekur mið á þroska iðkenda, efli hreyfifærni þeirra ásamt því að nýta íþróttaiðkunina til þess að vekja áhuga á heilbrigðumlífstíl. Markmiðasetning, skipulag og sjálfsvitund þjálfarans skipta sköpum þegar kemur að því að ná árangri í þjálfun. Því er mikilvægt er að huga bæði af langtíma skipulagi ásamt áætlun fyrir hvern og einn æfingartíma. Mikilvægt er að fara vel yfir grunnatriði kraftþjálfunnar til að tryggja öryggi iðkenda ásamt því að besta tæknilega getu þeirra í leiðinni. Þessar kennsluleiðbeiningar eru ætlaðar þjálfurum sem þjálfa ungmenni frá aldirnum 11-14 ára sem eru að stíga sín allra fyrstu skref í kraftþjálfun. Kennsluleiðbeiningarnar eru hugsaðar til þess að hafa til hliðsjónar við þjálfunarskipulag og eiga þær að höfða til þroska þeirra ungmenna sem þjálfað er hverju sinni. Leiðbeiningarnar fara yfir helstu kraftþjálfunar æfingarnar sem stundaðar eru til þess að bæta árangur innan íþrótta