Stelpan sem kom mér til bjargar : greinargerð um barnabók sem ætluð er sem forvörn gegn einelti

Einelti er alþjóðlegt vandamál sem getur haft verulega slæmar afleiðingar í för með sér fyrir alla sem tengjast því og er því nauðsynlegt að grípa inn í. Einelti í grunnskólum fer oft fram í felum og því er ekki víst að fullorðnir aðilar viti af því. Mikilvægt er að ræða einelti við nemendur og reyna að koma í veg fyrir það áður en það gerist. Þessi greinargerð er hluti af 10 eininga lokaverkefni til B.Ed. gráðu í grunnskólakennslu yngri barna. Verkefnið skiptist í bókina Stelpan sem kom mér til bjargar, barnabók sem ætluð er til forvarna gegn einelti í grunnskólum og greinargerð í tengslum við hana. Bókin fjallar um strák sem byrjar í nýjum skóla og hlakkar til að eignast vini. Krakkarnir í bekknum taka hins vegar ekki vel á móti honum og er hann lagður í einelti þar til ný stelpa byrjar í bekknum sem stendur upp fyrir honum. Greinargerðin byggir á fræðilegum upplýsingum og rannsóknum tengdum einelti og barnabókum. Markmiðið með henni er að opna augu fólks fyrir alvarleika eineltis og hversu nauðsynlegt er að stöðva það. Markmiðið með barnabókinni er að gera slíkt hið sama fyrir börn