Fæðingarsögur Bjarkarinnar: Eigindleg etnógrafísk frásagnargreining

Bakgrunnur: Björkin er ljósmæðrastýrð eining sem stofnuð var árið 2009 og veitir heildræna og samfellda þjónustu á meðgöngu, í fæðingu og fyrstu dagana eftir að barn fæðist. Samfelld ljósmæðraþjónusta í gegnum barneignarferlið nýtur aukinna vinsælda víðs vegar í heiminum og hafa rannsóknir sýnt að samfelld ljósmæðraþjónusta reynist hafa jákvæð áhrif á fæðingarupplifun þeirra kvenna sem hana þiggja. Fæðingarsögur, sem birtast nú í auknum mæli á veraldarvefnum, geta gefið góðar lýsingar á fæðingarupplifunum. Tilgangur: Að skoða reynslu kvenna sem fæða í Björkinni í gegnum fæðingarsögur þeirra sem birst hafa á vef Bjarkarinnar. Ennfremur að kanna áherslur í þjónustu Bjarkarinnar og hvernig ljósmæður hennar stuðla að jákvæðri fæðingarreynslu. Aðferð: Rannsóknin er eigindleg út frá etnógrafískri nálgun. Notast var við frásagnar- og þemagreiningu við greiningu á fæðingarsögum kvennanna sem birt hafa sögur sínar á vef Bjarkarinnar. Í kjölfarið var tekið rýnihópaviðtal við 5 ljósmæður Bjarkarinnar. Með þemagreiningu voru helstu áhersluþættir í þjónustu þeirra greindir. Niðurstöður: Fæðingarreynsla kvenna sem fætt hafa í Björkinni endurspeglast í þremur meginþráðum. Þeir eru 1) undirbúningur fæðingar, 2) jákvæð fæðingarupplifun og 3) jákvæð samskipti. Nokkur stef tilheyra svo hverjum meginþræði. Áherslur í ljósmæðraþjónustu Bjarkarinnar eru einstaklingsmiðaðar. Vilja ljósmæðurnar styðja við ákvarðanatöku skjólstæðinga og stuðla að fullnægjandi faglegri upplýsingagjöf. Mikilvægt finnst ljósmæðrunum að verðandi foreldrar vaxi í hlutverki sínu, fái tækifæri til að vera þau sjálf og upplifi sig við stjórnvölinn í barneignarferlinu. Ályktun: Þegar kona treystir og þekkir ljósmóður sína og hefur stuðningsaðila sem hún treystir er líklegra að konu líði vel í fæðingu sinni. Samfelld ljósmæðraþjónusta Bjarkarinnar styður við jákvæða fæðingarupplifun þeirra kvenna sem þiggja hana. Þetta þjónustuform ætti að efla, rannsaka frekar og vera í boði víðar innan barneignarþjónustunnar á Íslandi. Lykilorð: Fæðingarsögur, fæðingarupplifun, samfelld ljósmæðraþjónusta, ljósmæðrastýrð eining.Background: Björkin is a midwife-led unit founded in 2009 and provides continuous care during pregnancy, delivery and after birth. Continuous midwifery care during the childbearing process is becoming more popular in the world and research shows that continuous midwifery care has positive effects on the birth experience. Birth stories, which are now appearing more and more on the internet, can give good descriptions of birth experiences. Aim: To examine the experience of women who gave birth in Björkin though their birth stories which are available on Björkin’s website. Furthermore to explore the emphasis in the services that Björkin provides and how the midwives contribute to a positive birth experience. Method: This is a qualitative study and was performed according to an ethnographic method. Narrative and thematic analysis was used in the analysis of the birth stories of the women who have published their stories on Björkin's website. Following this, a focus group discussion was conducted with 5 of Björkin's midwives. Thematic analysis was used to examine the main focus of their midwifery services. Results: The birth experience of women who have given birth in Björkin is reflected in three themes. They are 1) preparation for birth, 2) positive birth experience and 3) positive communication. Several subthemes then belong to each theme. The emphasis in Björkin's midwifery services is individualized. The midwives want to support the decision-making of the clients and contribute to giving adequate information. It is important for midwives that parents expecting a baby grow in their role, have the opportunity to be themselves and experience themselves at the helm of the process. Conclusion: When a woman trusts and knows her midwife and has a supporter that she trusts, it supports her well-being during the birth. Björkin's continuous midwifery care supports the positive birth experience of those who receive it. This form of service should be strengthened, further researched and available more widely in the childbirth service in Iceland. Key words: birth stories, birth experiences, continuous midwifery care, midwife-led unit