Tónlistarstundir í leikskólum : vefur fyrir starfsfólk leikskóla

Greinagerð þessi fylgir vefsíðu með stuðningsefni fyrir leikskólakennara sem sjá um tónlistarstundir í leikskólum. Greinagerðin hefst með umfjöllun um hlutverk tónlistar í leikskólastarfi og hvaða aðferðir megi nota til þess að stuðla að góðu tónlistarstarfi. Einnig er stutt yfirlit yfir áður útgefið efni fyrir tónlistariðkun í leikskólum. Fjallað er um hvers vegna það er mikilvægt að sinna tónlistarkennslu í leikskóla og hvert sé hlutverk kennara sem skipuleggja tónlistarstarf í leikskólum. Tónlistarstundir þurfa að vera markvissar í uppbyggingu svo börnin finni fyrir öryggi og haldi einbeitingu í gegnum stundirnar. Í greinagerðinni er að finna tillögur um uppbyggingu tónlistarstunda sem skiptast í þrjá kafla: Upphaf, miðju og endi. Í hnotskurn má lýsa skipulaginu þannig að upphaf tónlistarstunda snúist um um leiki og söngva sem hita röddina og æfa einbeitingu. Um miðja tónlistarstundina eru sungin lengri lög og farið í hreyfileiki en þá má gjarnan nota hljóðfæri. Í lokin er mikilvægt að slaka á og fara í rólegri leiki eða syngja nafnalög sem auðvelda skiptin yfir í næsta viðfangsefni. Í lok greinagerðarinnar er uppbygging vefsíðunnar útskýrð og grein gerð fyrir helstu markmiðum hennar og notagildi fyrir starfandi leikskólakennara