Upplifun barna sem eiga seinfæra foreldra af stuðningi við þau og fjölskyldur þeirra

Lítið hefur verið skoðuð upplifun barna sem alast upp hjá seinfærum foreldrum af stuðningi við þau og heimilið, en í mannréttindasáttmálum, lögum og reglugerðum er talað um mikilvægi samráðs við börn þegar teknar eru ákvarðanir sem varða þau. Börn eiga rétt á að tjá skoðanir sínar og taka þátt í ákvörðunum sem þau varða, en áhugavert er í því samhengi er að sjá hversu lítið börn hafa fengið að tjá sig um upplifun sína af stuðningi við þau og fjölskyldu þeirra og hvort samráð hefur verið haft við þau þegar stuðningur er ákvarðaður. Það þarf að gæta þess að borin sé virðing fyrir sjálfræði og sjálfsákvarðanarétti fólks og mæta fólki á jafningjagrundvelli svo ekki skapist valdaójafnvægi í samvinnu við fjölskyldur. Ég tók tvö viðtöl, annað við forstöðumann stuðningsúrræðis hjá sveitarfélagi og fékk innsýn inn í hvernig unnið er með börnum og fjölskyldum þeirra, hvað sé mikilvægt að huga að og hvað mætti gera betur í þessum málaflokki og hitt viðtalið var við barn seinfærs foreldris. Markmið mitt var að fá innsýn inn í hver upplifun barna sem alist hafa upp hjá seinfærum foreldrum var af stuðningi við heimilið, skoða hvað lög og mannréttindasáttmálar segja til um stuðning við börn og fjölskyldur og hvernig unnið var eftir því í stuðningi við konuna sem ég ræddi við. Einnig fjalla ég um hvers konar nálgun sé mikilvæg í stuðningi við börn og fjölskyldur, en víðtæk þekking þroskaþjálfa, reynsla af teymisvinnu og sérhæfing í persónumiðaðri þjónustu er mikilvæg í þjónustu við börn og fjölskyldur