Möguleikar jafnréttiskennslu í gegnum myndmennt : greinargerð og hugmyndir að verkefnum

Þetta verkefni er hluti af 10 ETC lokaverkefni til B.Ed.- prófs með áherslu á list- og verkgreinar við deild faggreinakennslu, Menntavísindasviði Háskóla Íslands. Verkefnið er tvískipt og samanstendur af greinargerð annars vegar og verkefnum sem styðja við jafnréttisfræðslu í myndmennt hins vegar. Í þessu verkefni er hugtakið jafnrétti tekið fyrir, skoðað er fyrir hvað það stendur og hvernig hægt sé að flétta jafnréttiskennslu inn í myndmenntakennslu í grunnskóla. Nokkur verkefni fylgja með greinargerðinni og snúast þau öll um jafnrétti en þau eru í senn skapandi og fræðandi og eru ætluð fyrir nemendur í fimmta til sjöunda bekk. Jafnrétti er einn af sex grunnþáttum menntunar og er afar mikilvægt að í öllum grunnskólum sé öflug og markviss fræðsla um jöfn réttindi fólks