Geðheilbrigðisvandi : snemmtæk íhlutun

Í þessu verkefni er skoðað hvort snemmtæk íhlutun geti dregið úr geðheilbrigðisvanda barna og unglinga seinna á lífsleiðinni. Heimilda er leitað víða, meðal annars í fyrirliggjandi rannsóknum sem og lögum og skýrslum sem snúa að andlegri heilsu. Farið verður yfir ýmisskonar geðraskanir og áhættuþætti sem geta valdið geðrænum vandamálum. Einnig skoðum við forvarnaraðgerðir stjórnvalda og íhlutunaraðgerðir sem snúa að þessu málefnum og þær afleiðingar sem áföll í æsku geta haft. Niðurstöðurnar eru ansi áhugaverðar, þegar skoðaðar eru bæði rannsóknir og íhlutunaraðgerðir þá sést vel að árangur næst þegar gripið er inn í strax, hvort sem er þegar um kvíða og þunglyndi er að ræða, eftir áfall, ofbeldi, skilnað eða ef foreldrar eiga við geðræn vandamál að stríða. Það eykur lífsgæði einstaklingsins og getur komið í veg fyrir félagsleg vandamál seinna meir. Það er því ljóst að snemmtæk íhlutun getur dregið úr geðheilbrigðisvanda barna og unglinga. Slíkar íhlutunaraðgerðir og forvarnir eru því sparnaður í sjálfu sér, því þannig er hægt að draga úr bæði samfélagslegum kostnaði og kostnaði einstaklinga seinna meir