Geta gæðakerfi stutt við hið skapandi ferli á arkitektastofum?

Íslenskar arktitektastofur þurfa samkvæmt lögum að vera með vottað gæðakerfi. Markmið þessarar greinar er að skoða hvort gæðakerfi þessi styðji, eða geti á einhvern hátt stutt við hið skapandi ferli arkitektsins. Viðtöl voru tekin við fimm arkitekta sem allir hafa mikla reynslu í faginu og hafa sett mark sitt á manngert umhverfi okkar með eftirtektarverðum hætti. Viðtölin miðuðu að því að reyna að draga fram þær aðferðir sem arkitektar nota á frumstigum hönnunar ásamt því að kanna afstöðu þeirra til gæðakerfa almennt. Helstu niðurstöður eru þær að aðferðafræðin felst aðallega í því að eiga í einlægu samtali við verkkaupa. Ekki er algengt að viðmælendur skrái hjá sér huglæg arkitektónísk markmið. Meira er haldið utan um hlutlæg markmið eins og t.d. kostnað. Viðmælendur líta á gæðakerfi sem tæki til að halda utan um skjölun oþh í verkefnum. Greina mátti viðhorfsmun hjá þeim sem störfuðu á stofum sem höfðu ISO 9001 vottuð gæðakerfi í þá átt að þeir voru fyrr farnir að hugsa á þessum nótum, þ.e. að gæðakerfi myndu nýtast þeirra fyrirtækjum