Áhrif og upplifanir af hljóðvist í arkitektúr : með heyrnarskerta í fyrirrúmi

Viðfangsefni þessa ritverks er þáttur hljóðvistar í tengslum við byggingar og rými og áhrif þess á manneskjuna þar sem heyrnarskertir eru hafðir í fyrirrúmi. Höfundur er heyrnarskertur og beitir þeirri aðferð að nýta eigin reynslu og upplifun á hljóðheiminum ásamt því að taka viðtöl við þrjár manneskjur sem einnig hafa skerta heyrn. Vitnað er í ýmsar rannsóknir og heimildir á þessum vettvangi og reynt að máta þær niðurstöður við persónulega reynslu höfundar. Farið er yfir ýmsar lausnir sem standa til boða í átt að bættri hljóðvist ásamt því að skoða hvaða hlutverki arkitektinn gegnir í hönnun hljóðvistar. Helstu niðurstöður þessarar skoðunar eru í stuttu máli þær að áhrif hljóðvistar eru margþætt en hún getur meðal annars dýpkað upplifunina á byggingarlistinni og haft áhrif á tilfinningar og skap. Hávaði getur þar að auki haft hamlandi áhrif á líkamlega og andlega heilsu og því er það þýðingarmikill þáttur í hönnunarferli að leita lausna til þess að halda hávaða í skefjum. Þar er arkitektinn verkefnisstjóri sem leitar aðstoðar hljóðhönnuðar og saman eiga þeir gott samtal á frumstigi hönnunar. Þannig má skapa umhverfi sem tekur mið af öllum skynfærum, endurspeglar fjölbreyttar þarfir einstaklinga og stuðlar í senn að bættri andlegri og líkamlegri heilsu allra