Aðstandendur fólks með geðrofsraskanir : stuðningur og fræðsla fyrir aðstandendur

Aðstandendur fólks með geðrofsraskanir er lokaverkefni til B.A. gráðu í þroskaþjálfafræði við Háskóla Íslands. Hugmynd af verkefninu er sprottin upp af eigin reynslu, þar sem upplifunin var mikill skortur á stuðningi og fræðslu fyrir aðstandendur fólks með geðrofsröskun. Verkefnið er tvíþætt og skiptist í greinargerð og handbók. Í greinargerðinni er fjallað um geðrofsraskanir og áhrif þeirra á aðstandendur. Handbókin er hugsuð fyrir aðstandendur fólks með geðrofsraskanir og á að veita þeim upplýsingar og fræðslu um geðrofsraskanir, ásamt umfjöllun um úrræði sem í boði eru og hvað er til ráða. Í greinargerðinni eru útskýringar og rökstuðningur fyrir handbókinni. Markmið verkefnisins er að fræða aðstandendur um geðrofsraskanir og hvernig þeir geta tekist á við hlutverk sitt sem aðstandendur, því oft er mikið álag að vera aðstandandi og erfitt að fá stuðning og fræðslu sem brýn þörf er á fyrir aðstandendur