Áhrif spjaldtölva á gæði og framþróun kennslu

Árið 2015 hófst innleiðing á spjaldtölvum í öllum níu grunnskólum Kópavogs. Með því urðu miklar breytingar á kennsluháttum og námi nemenda, þar sem markmiðið var m.a. að auka gæði og fjölbreytni kennslu og færa hana nær nútíma þörfum. Vísbendingar eru um að notkunin hafi náð ákveðnum þroska og fest sig í sessi, nú aðeins sex árum eftir að innleiðingin átti sér stað. Þessi rannsókn er gerð til að kanna hug kennara í Salaskóla á spjaldtölvuvæðingunni, þ.e. hvort hún hafi aukið gæði náms og framþróun kennslu. Niðurstöður rannsóknarinnar eru afgerandi. Stór meirihluti kennara í Salaskóla telja að spjaldtölvuvæðingin hafi bætt bæði nám og kennslu, og allir sem svöruðu spurningakönnuninni sem gerð var vilja halda áfram notkun þeirra. Jafnframt telur stærstur hluti kennara sem svöruðu að nemendur í Salaskóla hafi námslegt forskot á nemendur annarra skóla sem ekki nýta slíka tækni