Fjölþættur vandi : úrræði og aðkoma þroskaþjálfa.

Alþjóðlegar mannréttindaskuldbindingar sem Ísland er aðili að á að tryggja réttindi jaðarsetts fólks að búa í samfélagi sem byggist á virðingu, tækifærum og virkri þátttöku til jafns við aðra þegna landsins. Viðfangsefni ritgerðarinnar er fólk með fjölþættan vanda, úrræði sem standa hópnum til boða og mikilvægi aðkomu þroskaþjálfa í störfum með hópnum. Meginmarkmið verkefnisins er að vekja athygli á hópnum þar sem hann er líklega framandi hugtak í augum margra í stéttinni, skoða úrræðaleysið sem virðist blasa við hópnum og hvernig fagleg gildi og nálganir þroskaþjálfa geta stutt og styrkt við þjónustu gagnvart hópnum. Fólk með fjölþættan vanda tilheyra fleiri en einum jaðarsettum hópi og eru því útsettari að verða fyrir margþættri mismunun og kerfin virðast hafna hópnum. Viðfangsefnið hefur lítið verið rannsakað hér á landi ólíkt mörgum öðrum löndum. Mikilvægt er að skilgreina hópinn og staðsetja hver þjónustuþörfin hans er þar sem vandinn er margþættur og tengist ólíkum sviðum innan heilbrigðis- og velferðarkerfisins. Rýnt er í fræðilegar heimildir þar sem skoðaðar eru aðstæður hópsins og sést það glöggt að þverfagleg, sérhæfð úrræði og þjónusta eru ekki að mæta hópnum og hann þarf að sækja í úrræði sem eru ætluð ófötluðu fólki. Úrræðaleysi virðist vera ríkjandi í þjónustu við hópinn, hann fellur í glufur kerfanna, virðist afskiptalítill og engin virðist axla ábyrgð á honum. Þótt margt hafi áunnist í málefnum fatlaðs fólks vantar heilmikið upp á til að bæta lífskjör fólks með fjölþættan vanda. Mikilvægt er að auka fræðslu og þekkingu þroskaþjálfa á hópum eins og þessum þar sem sérstaða þroskaþjálfa getur veitt viðeigandi stuðning og ráðgjöf til annarra fagstétta sem gefur betri innsýn í þjónustuþörf hópsins