Þroskaþjálfar, aldrað fólk og fólk með heilabilun : SJÁÐU MIG!

Margt bendir til þess að aldraðir, og þá sérstaklega fólk með heilabilun, eigi undir högg að sækja í samfélaginu. Talið er að stór hluti íbúa á öldrunarheimilum búi við skert sjálfræði, sé einmana og finni fyrir lífsleiða og vanmáttarkennd. Í þessu verkefni, sem verður tvíþætt, mun annars vegar verða sett fram greinargerð og hins vegar hugmynd að smáforriti. Í greinargerðinni er sjónum beint að störfum þroskaþjálfa með fötluðu fólki og hvort þeir eigi erindi í störf með fólki með heilabilun og þá með hvaða hætti sérþekking þeirra kemur að gagni. Einstaklingar með heilabilun er líklegur hópur til að verða fyrir aðkasti og því þarf að huga sérstaklega að persónumiðaðri þjónustu við þann hóp. Þroskaþjálfar styðjast mikið við í persónumiðaða nálgun í störfum sínum til að auka gæði og þjónustu þeirra einstaklinga sem þeir vinna með. Lífssaga einstaklinga er mikilvægt hjálpartæki til að gera öldrunarþjónustu persónumiðaðri en oft er lífssaga notuð í minningavinnu og hefur það skilað sérstaklega góðum árangri fyrir einstaklinga með heilabilun. Með greinargerðinni fylgir hugmynd að smáforriti sem styður meðal annars gerð lífssagna sem myndi nýtast vel í persónumiðaðri nálgun. Þá er unnið með lífssöguna sem hluta af minningavinnu þar sem unnið er með einstaklinginn, maður á mann. Tilgangur smáforritsins væri að styrkja einstaklinginn, sjálfsmynd hans og mannlega reisn en ekki síður að rjúfa einangrun og auka gæðastundir