Veljum heilsu og vellíðan : kennsluefni í heilsueflingu fyrir unglingastig

Þrjár megin stoðir almenns heilbrigðis og velferðar eru líkamleg, andleg og félagsleg heilsa. Í aðalnámskrá grunnskóla er heilbrigði og velferð einn af sex grunnþáttum menntunar sem fléttast inn í allt skólastarf. Þróunarverkefnið Heilsueflandi grunnskóli er einnig skref í átt að heilsueflandi samfélagi á vegum embættis landlæknis og fleiri stofnana. Við gerð kennsluefnisins Veljum heilsu og vellíðan var leitast við að skoða hvað þarf að hafa í huga við skipulag og framkvæmd kennslu á sviði heilsueflingar auk heppilegra kennsluaðferða. Virkar aðferðir og áhersla á þátttöku nemenda eru mikilvæg forsenda árangursríkrar kennslu í heilsueflingu. Efnið er liður í því að stuðla að bættri líkamlegri og andlegri heilsu íslenskra ungmenna með því að auka þekkingu, efla færni og sjálfstæði auk þess hafa jákvæð áhrif á viðhorf þeirra til heilsusamlegra lífshátta.Aðgangur að greinargerð má vera opinn en ég óska eftir að kennsluefni sé lokað í tiltekinn tíma