Cyfnewid cod mewn llenyddiaeth n ofelau Cymraeg a Ffrangeg-Canadaidd: datblygu methodoleg newydd

Astudiaeth o lenyddiaeth sy'n defnyddio cyfnewid cod, sef y defnydd o fwy nag un iaith mewn un testun. Datblygwyd methodoleg newydd a gwreiddiol er mwyn dadansoddi’r cyfnewid cod. Mae’r fethodoleg hon yn defnyddio chwe maes dadansoddi craidd er mwyn dadansoddi’r cyfnewid cod sef: pennod; adran o’r testun; hyd; dosbarth gramadegol; maes semanteg ac ysgogiad/swyddogaeth. Aethpwyd ati i brofi a mireinio’r fethodoleg drwy ddadansoddi pedair nofel, dwy o Gymru a dwy o Ganada. Y nofelau oedd: Cyw Dol Twm Miall (1990); Ffawd, Cywilydd a Chelwyddau Llwyd Owen (2006); Moncton Mantra Gérald Leblanc (1997); a Danse Noire Nancy Huston (2013). Trafodir darganfyddiadau’r dadansoddi, ynghyd a phennod yn trafod rhai nodweddion sy’n gyffredin rhwng y pedair nofel, a allai fod yn gysylltiedig â chyfnewid cod