Breyting vinnuviku. Hvernig hafa vinnuhættir breyst á síðustu árum?

Markmiðið með þessari ritgerð er að svara spurningunni hvernig vinnuhættir hafa breyst síðustu ár. Stytting vinnuvikunnar var skoðuð út frá íslenskum lögum og hvernig þróunin hefur verið síðustu ár í samanburði við önnur lönd í Evrópu. Aðrir þættir en stytting vinnuviku eru einnig skoðaðir líkt og vinna heima og sveigjanlegur vinnutími en þá er meira horft til útlanda þar sem þróunin hefur verið hraðari og tilraunir hafa verið fleiri en hér á landi. Skoðað er hvaða áhrif breytt fyrirkomulag á vinnuviku hefur í för með sér og hvort það sé ábati að fara í þessar aðgerðir eða ekki. Skoðað er hvernig þessar breytingar hafi áhrif á hagaðila. Sérstaklega er litið til áhrifanna á fyrirtæki, starfsmenn og samfélagið. Að auki er fjallað lítillega um kjaramál og hvernig lífskjarasamningurinn breytti kjarasamningum, þar var ekki aðeins horft á krónur og aura. Þær rannsóknir sem litið er til eru erlendar enda hafa þessir þættir verið lítið rannsakaðir hér á landi fyrir utan eina rannsókn sem tengdist mastersritgerð sem Ólöf Björg Þórðardóttir gerði en þar var hún að skoða tilraunarverkefni á styttingu vinnuviku hjá Reykjavíkurborg sem hófst árið 2015. Lykilorð ritgerðar: Stytting vinnuviku, vinnustundir, breyting vinnuhátta og kjaramál