Systkini einstaklinga með vímuefnaröskun: Áhrif og úrræði

Ritgerð þessi er lokaverkefni til BA-gráðu í félagsráðgjöf við Háskóla Íslands. Umfjöllunarefni ritgerðarinnar eru systkini einstaklinga með vímuefnaröskun og þau áhrif sem sjúkdómurinn hefur á þau. Leitast verður við að svara tveimur rannsóknarspurningum: Hvaða áhrif hefur vímuefnaröskun einstaklinga á systkini þeirra og hefur vímuefnaneyslan áhrif á að önnur systkini neyti vímuefna? Farið verður yfir skilgreiningar á mikilvægum hugtökum og kenningum, greint frá rannsóknum sem gerðar hafa verið á sviðinu, bæði hérlendis og erlendis. Einnig verður farið í hlutverk og hugmyndafræði félagsráðgjafa og greint frá nokkrum úrræðum sem standa systkinum einstaklinga með vímuefnaröskun til boða á Íslandi