Lífeyrissjóðir. Hvernig skýra fjárfestingarstefnur lífeyrissjóða ávöxtun þeirra á tímabilinu 2011-2019?

Lífeyrissjóðir eru fjármálastofnanir sem að fá greiðslur frá launþegum með aðild að viðkomandi lífeyrissjóði og hlutverk sjóðanna er að ávaxta þá fjármuni með það að markmiði að endurgreiða sjóðsfélögum þá síðar meir í formi lífeyris. Í fjárfestingarstefnu lífeyrissjóðs er að finna þau markmið um eignasamsetningu sem að viðkomandi sjóður stefnir að ná. Í þessari ritgerð verða fjárfestingarstefnur þriggja stærstu lífeyrissjóða landsins, Lífeyrissjóðs starfsmanna ríkisins, Lífeyrissjóðs verzlunarmanna og Gildis, skoðaðar með það markmið að kanna hvernig þær skiluðu sér í breytingu á samsetningu eigna og í ávöxtun sjóðanna tímabilið 2011-2019 í samanburði við allt lífeyriskerfið. Í ljós kom að meðaltal raunávöxtunar þeirra reyndist mjög gott yfir tímabilið og sjóðirnir þrír skiluðu hærri raunávöxtun en vegið meðaltal allra lífeyrissjóðanna. Meðalraunávöxtun allra sjóðanna yfir tímabilið var 5,57% sem er talsvert yfir ávöxtunarviðmiði lífeyrissjóða upp á 3,5% raunávöxtun. Raunávöxtun lífeyrissjóðanna árið 2019 stóð þar upp úr, en það ár er talið vera eitt besta ár í sögu ávöxtunar lífeyrissjóðanna frá upphafi. Vaxandi áhyggjur hafa þó verið undanfarið um að sífellt erfiðara gæti reynst fyrir sjóðina að viðhalda ávöxtunarviðmiðinu upp á 3,5% vegna hækkandi meðalaldurs fólks ásamt sögulega lágra vaxta á markaði