Börn með ADHD í grunnskóla. Úrræði fyrir börn og unglinga með ADHD

Með stefnunni skóli án aðgreiningar sem var samþykkt með lögum um grunnskóla árið 2008 á Íslandi fékk skólinn aukið og víkkað félagsmótunarhlutverk í lífi nemenda. Í því felst meðal annars að kennarar eiga að hafa afskipti af börnum sem eiga við félags- eða persónulegan vanda að stríða. Samkvæmt núgildandi lögum um grunnskóla ber skólum að vinna að beinum forvörnum og bregðast þannig við áhættuþáttum nemenda sem allra fyrst til að koma í veg fyrir frekari vanda. Til áhættuþátta getur meðal annars talist ADHD og fylgiraskanir ADHD eins og sértækir námsörðugleikar og hegðunarraskanir. Markmið ritgerðarinnar var að fjalla um ADHD og úrræði fyrir börn og unglinga með ADHD í grunnskólum og leitast var við að svara eftirfarandi rannsóknarspurningu: Hvernig getur námskeið sem kennir seiglu nýst börnum og unglingum með ADHD? Niðurstaða ritgerðarinnar er sú að seigla getur nýst sem hjálpartæki í náminu og í lífinu. Til að auka seiglu þarf að huga að jákvæðum hugsunum, lífsleikni, félagslegri hæfni, frumkvæði og umhverfi. Félagsráðgjafar vinna út frá sjónarhorni áhættu og seiglu og geta ásamt öðrum fagaðilum innan skólans komið að uppbyggingu slíkra námskeiða. Umhverfisþættir hafa mikil áhrif á seiglu barna og því mikilvægt að veita foreldrum og kennurum aukna fræðslu um mikilvægi verndandi þátta í umhverfi barna