Krísustjórnun í heimsfaraldri: Tilviksrannsókn á viðbrögðum Iðunnar fræðsluseturs á tímum COVID-19

COVID-19 heimsfaraldurinn hefur haft mikil áhrif á starfsemi Iðunnar fræðsluseturs líkt og flest önnur fyrirtæki. Þegar stjórnvöld kynntu fyrstu viðamiklu aðgerðirnar til að sporna við útbreiðslu faraldursins þurftu stjórnendur Iðunnar að bregðast hratt við og finna nýjar leiðir til þess að halda starfseminni gangandi, en hún var nánast öll staðbundin á þeim tíma. Eigindleg tilviksrannsókn var framkvæmd til þess að leita svara við rannsóknarspurningunni „Hvernig var krísustjórnun Iðunnar fræðsluseturs háttað á tímum COVID-19?“ en þá var krísustjórnun Iðunnar jafnframt borin saman við fræði krísustjórnunar. Helstu niðurstöður rannsóknarinnar sýndu að krísustjórnun Iðunnar hefur gengið vel hingað til og hafa stjórnendur lagt áherslu á að huga að mannauði. Ýmis tækifæri hafa sprottið upp úr krísunni fyrir Iðuna en hún hefur bæði flýtt fyrir tæknivæðingu sem og leitt til jákvæðra breytinga innan fyrirtækisins sem eru komnar til að vera. Þá kom í ljós að viðbrögð Iðunnar á þessum tímum hafa mikið samræmi við fræði krísustjórnunar