Þýðing sérfræðiþekkingar kaupanda við mat á aðgæsluskyldu í lausafjár- og fasteignakaupum

Markmið þessarar ritgerðar er að útskýra þýðingu sérfræðiþekkingar kaupanda við mat á aðgæsluskyldu í lausafjár- og fasteignakaupum. Í byrjun hennar er fjallað um þau lög sem gilda í lausafjár- og fasteignakaupum og gallahugtak kröfuréttarins útskýrt. Meginþorri ritgerðarinnar samanstendur af umfjöllun um aðgæsluskyldu kaupanda og þýðingu sérfræðiþekkingar hans við mat á henni. Þar er því slegið föstu við hvaða aðstæður kaupandi tapar rétti sínum til að beita vanefndarúrræðum sökum galla, hvenær kaupandi telst sérfróður og hvenær hann verður samsamaður sérfróðum þriðja manni. Ritgerð þessi byggir að mestu leyti á fræðiskrifum, íslenskum og norrænum, og dómaframkvæmd á Íslandi, í Danmörku og Noregi. Að lokum er ritgerðin dregin saman og niðurstöður settar fram