Stjórnunarstílar innan starfsgreina: Er mismunandi stjórnunarstílum beitt innan fjölbreyttra starfsgreina?

Stjórnunarstílar eru margir og fjölbreyttir og misjafnt hvað hver og einn stjórnandi tileinkar sér. Markmið rannsóknarinnar var að athuga hvort það sé munur á hvaða stjórnunarstílum er beitt milli mismunandi starfsgreina. Stuðst var við fræðin til að athuga hver niðurstaða rannsóknar yrði. Farið verður yfir nokkra stjórnunarstíla og önnur fræði sem tengjast rannsókninni. Gerð var eigindleg rannsókn og notast var við aðferðafræði eigindlegrar rannsóknar til að fá sem best svör frá viðmælendum á upplifun þeirra og reynslu. Það voru tekin viðtöl við sjö stjórnendur sem starfa allir innan mismunandi starfsgreina. Allir þessir stjórnendur vinna innan mismunandi starfsgeira í samfélaginu og eina sem þeir eiga sameiginlegt er að vera vinna sem stjórnendur. Voru þeir spurðir spurninga sem aðstoðuðu við að greina niðurstöður rannsóknar. Niðurstöður rannsóknar leiddu í ljós að ekki liggur mikill munur á stjórnunarstílum stjórnenda innan þeirra starfsgreina sem teknar voru fyrir. Niðurstöður leiða einnig í ljós að stjórnendur aðhyllist mjög líkan stjórnunarstíl. Ekki er hægt að alhæfa um niðurstöður rannsóknarinnar, heldur gefa niðurstöður rannsóknarinnar vísbeningar um það hvernig hlutirnir gætu verið. Allir þeir stjórnendur sem tóku þátt beita jákvæðum stjórnunarstílum og blanda þeim saman eftir því í hvaða aðstæðum þeir eru. Ekki er talið að neinn af þessum stjórnendum tileinki sér neikvæðan stjórnunarstíl. Niðurstöðurnar leiddu einnig í ljós að þessir stjórnunarstílar séu hugsanlega ekki algildir innan þessara starfsgreina. Að mati fræðimanna er heppilegast fyrir stjórnendur að blanda saman stjórnunarstílum til að skipulagsheildir nái sem mestum árangri