Stjórnsýsluendurskoðun Ríkisendurskoðunar. Þriggja áratuga þróun

Ríkisendurskoðun hefur frá árinu 1987 haft með höndum stjórnsýsluendurskoðun sem sjálfstæð eftirlitsstofnun á vegum Alþingis. Í þessari ritgerð er ljósi varpað á hlut stjórnsýsluendurskoðunar í starfi stofnunarinnar frá því að hún hóf fyrst að gera úttektir og fram til ársins 2020. Markmiðið er að skoða þróun og aðferðafræði stofnunarinnar varðandi stjórnsýsluendurskoðun, skoða fjölda úttekta, viðfangsefni; og að frumkvæði hvers úttektir stofnunarinnar eru. Að sama skapi eru hugmyndir og skilgreiningar fræðimanna um efnið reifaðar. Ritgerðinni er ætlað að mæta þörf á rannsóknum á starfi og hlutverki Ríkisendurskoðunar á Íslandi og þá sérstaklega því aukna vægi sem stjórnsýsluendurskoðun hefur fengið. Í mjög stuttu máli má segja að markmið stjórnsýsluendurskoðunar sé að meta árangur í opinbera geiranum út frá fleiri víddum en fjárhagsvíddinni og þá með sérstaka áherslu á að koma með tillögur til úrbóta þar sem þurfa þykir. Helstu niðurstöður ritgerðarinnar eru þær að þó svo að Ríkisendurskoðun hafi farið hægt af stað hafi hún reynt að rækja hlutverk sitt varðandi stjórnsýsluendurskoðun af myndugleika og fljótlega fóru úttektir hennar að taka mið af erlendum fyrirmyndum og stöðlum. Að sama skapi fjölgaði úttektum og þær urðu viðameira og meira var lagt upp með að koma með tillögur til úrbóta