Afskriftir varanlegra rekstrarfjármuna

Viðfangsefni þessarar ritgerðar er afskriftir varanlegra rekstrarfjármuna. Fjallað er um afskriftir, hlutverk þeirra og það hvernig fara skuli með afskriftir í reikningsskilum íslenskra félaga. Gerð er grein fyrir varanlegum rekstrarfjármunum og því næst farið yfir fjórar afskriftaraðferðir sem félög geta nýtt við afskriftir varanlegra rekstrarfjármuna. Aðferðirnar eru bornar saman og dæmi tekin til útskýringar fyrir hverja aðferð fyrir sig. Þær aðferðir sem farið verður yfir í þessari ritgerð eru línuleg aðferð og notkunaraðferð, ásamt hröðunaraðferðunum ársummuaðferð og stiglækkandi hröðunaraðferð. Fjallað er um endurmat afskriftarforsenda og hvað beri að gera ef breyting verður á þeim, einnig er farið yfir hvernig skuli reikna afskriftir ef varanlegur rekstrarfjármunur er keyptur á miðju ári. Því næst er fjallað um skattalegar afskriftir, hvernig þær eru frábrugðnar reikningshaldslegum afskriftum og hvernig munurinn á þeim myndar tekjuskattsskuldbindingu eða tekjuskattsinneign. Einnig er farið yfir hvernig útreikningur á tekjuskattsskuldbindingu/inneign fer fram og tekið dæmi til útskýringar. Að lokum eru ársreikningar þriggja íslenskra félaga teknir til skoðunar með áherslu á afskriftir varanlegra rekstrarfjármuna