Sveigjanlegt vinnufyrirkomulag. Er hægt að fyrirbyggja kulnun í starfi með sveigjanlegu vinnufyrirkomulagi?

Í þessari ritgerð verður fjallað um þætti sem valda kulnun í starfi með hliðsjón af þeim fræðum er varða sveigjanlegt vinnuumhverfi. Markmið ritgerðarinnar er að skoða hvaða þættir stuðla að kulnun og hvort að hægt sé að koma í veg fyrir kulnun með sveigjanlegu starfsumhverfi. Farið verður yfir helstu einkenni kulnunar, samhliða þeim þáttum sem tengjast líðan starfsfólks þegar kulnun á sér stað. Styðst var við fræðilega rannsóknir, greinar og kenningar. Sett var upp fræðileg samantekt á einkennum kulnunar og forvörnum gegn óhóflegu álagi í vinnunni og horft var til þeirra atriða sem eiga við meðal starfsfólks í sveigjanlegra vinnufyrirkomulagi. Niðurstaða ritgerðarinnar er sú að kulnun starfsmanna stafar af streitu og ósamræmi á milli þess að reyna standast kröfur og uppfylla vinnuskyldu sínar og halda jafnvægi milli vinnu og einkalífs á sama tíma. Hægt er að koma í veg fyrir kulnun í starfi með sveigjanlegu vinnufyrirkomulagi. Sveigjanlegt starfsumhverfi er almennt talið hafa jákvæð áhrif á jafnvægi milli starfs og einkalífs. Til að nýta sveigjanleikann sem best er þörf á góðum samskiptum og samstarfi milli starfsfólks og fyrirtækis. Best er að ráðstafa sveigjanleika á þann hátt að hann nýtist starfsmanninum sem best og bitni hvorki á afkastagetu hans né framvindu í starfi