From mother to mother: Evolution of motherhood

Móðurhlutverkið er fyrirbæri sem gleymist gjarnan og getur jafnvel fallið í skugga daglegs lífs, hér verður því sjónum beint að veruleika mæðra til að meta hvort eða hvernig hann hefur breyst í gegnum árin. Tekin voru fimm viðtöl við konur sem hafa alið börn á mismunandi áratugum í þeirri von að frásagnir þeirra geti varpað ljósi á umræddan kynslóðarmun. Niðurstöður benda til þess að miklar breytingar hafa átt sér stað á þessu hlutverki við stofnsetningu Landsspítalans sem í kjölfarið hafi alið af sér margvíslegar breytingar sem hafa haft gagnverkandi áhrif sín á milli. Frásagnir gefa til kynna að konur sem áttu börn á níunda áratug síðustu aldar hafi upplifað mikil einkenni sjúkdómsvæðingar sem síðan hefur dofnað með tímanum. Þó ekki að öllu leiti því gildi brjóstagjafar hafa jafnvel aukist milli kynslóða og sést það meðal annars með lengd brjóstagjafar en konur í dag brjóstfæða börnin sín töluvert lengur en konur gerðu áður fyrr. Eins hefur upplýsingahegðun breyst til muna en konur í dag hafa mun greiðara aðgengi að ýmiskonar upplýsingum með tilkomu internetsins. Þær geta þá valið hvaða ráð þær taka til sín og borið kennsl á óumbeðin ráð. Heilmargir mömmuhópar hafa verið settir á laggirnar og eru einungis ætlaðir konum sem gefur til kynna að þetta sé enn mikill kvenna heimur. Upplýsingar eru þó ekki það eina sem hefur færst yfir á veraldarvefinn en þar getur einnig gasserast samanburður milli mæðra. Að lokum gáfu niðurstöður til kynna að konur sem fæddust á áttunda áratuginum og eignuðust börn um aldamótin upplifðu gamla tíma kynhlutverka en tilheyrðu einnig nýjum umbrotatímum. Þær voru fljótari að færa sig út á atvinnumarkaðinn en karlar og samfélagið gat brugðist við. Þetta leiddi til þess að oft á tíðum stóðu þær einar á báti og gegndu í raun tvöföldu starfi, það er að sjá um heimilislífið og að afla tekna á atvinnumarkaðinum