Stjórnunarverkfæri fyrir viðburðafyrirtæki

Markmið ritgerðarinnar er að finna stjórnunarverkfæri út frá ritrýndum heimildum fyrir viðburðafyrirtæki og hvernig þau geta nýtt sér þessi verkfæri til þess að ná árangri. Straumlínustjórnun og krísustjórnun eru þau verkfæri sem fjallað er um í þessari ritgerð. Farið er yfir hvaðan straumlínustjórnun á uppruna sinn að rekja og þar á eftir hugtakið fyrirtækjamenning og hvernig best sé að breyta henni til hins betra. Þar á eftir er fjallað um sóun og hvernig best sé að eyða mismunandi tegundum sóunar. Tilgangur verkefnisins er að sýna fram á mikilvægi straumlínustjórnunar í fyrirtækjum og hvernig best sé að innleiða hana inn í fyrirtæki og þá helst viðburðafyrirtæki. Farið verður yfir mikilvægi krísustjórnunar, skilgreiningu krísu, og loks tíu skref krísustjórnunar eftir Jonathan Bernstein. Fjórði og síðasti kaflinn fjallar um hvernig fyrirtækin geta nýtt sér ofangreind verkfæri og hvernig best sé að innleiða þau inn í fyrirtækjamenningu. Notast var við ritrýndar heimildir, reynslu höfundar sem og munnlegar heimildir stjórnenda helstu viðburðafyrirtækja