Alborada : diario de Galicia

Apareceu en 1931, promovido polo grupo político vinculado a José Soto Reguera. Foi suspendido por orde gobernativa. Reapareceu o 23 de agosto de 1935 co subtítulo "Diario de Galicia". Segundo a súa propia declaración de principios, pretendía ser un periódico "de Dios y para Dios, un periódico de España y para España, un periódico de Galicia y para Galicia". Diario monárquico, dirixido por Gutiérrez Flórez e despois por José Cedrón del Valle, o administrador era Julio Aller Pavía. Foi un intento do grupo de José Calvo Sotelo de dispoñer dun diario propio na provincia de Lugo. Juan Antonio Correa Calderón figurou entre os seus colaboradores e Antonio López Sánchez era o correspondente en Santiago de Compostela. Tivo escasa audiencia. Cesou por suspensión gobernativa, o 31 de maio de 1936. Galipedi