Ég sé ekkert fyrir forréttindum mínum : kennsluverkefni og greinargerð um samtvinnuð áhrif sérkenna á forréttindi og jaðarsetningu einstaklinga

Þetta lokaverkefni er samansett úr greinargerð annars vegar og kennsluverkefni hins vegar. Í báðum þáttum er samtvinnun (e. intersectionality) höfð í fyrirrúmi og tengsl hennar við skilning á réttindum fólks á árum áður og enn þann dag í dag. Forréttindi, jaðarsetning, „litblinda“ og fordómar eru stærstu þættir lokaverkefnisins. Hvernig kennarar geta leitt nemendur í gegnum sjálfsskoðun þar sem eigin forréttindi, jaðarsetning og fordómar eru skoðaðir út frá hugmyndum samtvinnunar. Hugmyndin spratt upp frá því að höfundur taldi vera skort á femínísku kennsluefni í grunnskólum og að nauðsyn væri að bæta úr því. Höfundur leitaði heimilda á veraldarvefnum í femínískum tímaritum sem og femínískum uppeldis- og menntunarfræðibókum. Kennsluefnið er gert fyrir unglingastig grunnskóla í samfélagsgreinum með það að markmiði að nemendur sjái tilgang í því að skoða eigin forréttindi og jaðarsetningu sem og þau margþættu áhrif sem sérkenni einstaklingsins hafa. Höfundur trúir því að allir kennarar allra skólastiga, í öllum faggreinum, geti nýtt sér þá þekkingu sem fyrir kemur í þessu lokaverkefni og færst einu skrefi nær í jafnréttisbaráttu allra