Korleis gjekk det i kommunane som gjennomførte forsøket med nedsett røystealder i 2011? Eit notat

I dette notatet ser me på kva for effektar, om nokon, ein kan observere i kommunane som gjennomførte forsøket med nedsett røystealder i 2011. I evalueringa av forsøket i 2011 såg ein at forsøkskommunane hadde til dels ulike måtar å organisere forsøket på (Ødegård 2014, Ødegård og Saglie 2014). Samstundes fann ein at partia hadde synt meir merksemd til unge kandidatar i valkampen og at det vart fleire unge representantar i kommunestyra etter valet (Saglie og Aars 2014). Eit spørsmål er derfor om denne satsinga og den auka ungdomsrepresentasjonen har ført til auka prioriteringar på dei unge i kommunestyra sine arbeid? I dette notatet undersøkjer me dette ved hjelp av ulike statistiske datakjelder. Det er særskilt pengebruken innan skule‐ og kulturfeltet som er av interesse her. Frå kommuneregnskapstala og KOSTRA vil me sjå på investeringsutgifter og driftsutgifter til ymse kulturføremål som idrett, idrettsbygg og anlegg, musikk‐ og kulturskular m.m. Desse analysane av kommunane sine prioriteringar vil me studere over tid. Det er data frå 2007 (førre kommuneval) og så langt fram det er mogleg og hente inn data frå kommunen i skrivande stund (våren 2015). Vidare samanliknar me dei 20 forsøkskommunane med landet elles. Gjennom å sjå på utviklinga over tid, og samanlikne dette med landet elles vil me kunne vurdere i kva grad forsøkskommunane har satsa meir (eller mindre) på dei unge.publishedVersio