Mat á líkamsvirkni aldraðra

Neðst á síðunni er hægt að nálgast greinina í heild sinni með því að smella á hlekkinn View/OpenSýnt hefur verið fram á hvernig skortur á hreyfingu eða líkamsvirkni getur haft áhrif á framgang ýmiskonar sjúkdóma og ýtt undir færniskerðingar á efri árum. Jafnframt er mikið rætt um hreyfingu sem meðferðarform og forvörn gegn ýmsum kvillum ellinnar. Ef hvatning til hreyfingar á að hitta í mark hjá öldruðum einstaklingum hlýtur hinsvegar að vera forgangsmál að afla upplýsinga um hversu líkamlega virkir eldri Íslendingar eru og hvernig hreyfingu þeir stunda. Mat á líkamsvirkni aldraðra er dæmi um staðlaðan spurningalista sem nýta má í slíkum tilgangi. Markmiðið með honum er að komast að því hversu mikið einstaklingar hreyfa sig í frístundum, við heimilisstörf og við vinnu. Niðurstaðan er heildarstig frá núll til 400 þar sem einstaklingar sem hreyfa sig meira fá fleiri stig. Listinn er auðveldur og fljótlegur í fyrirlögn og innihaldið fellur ágætlega að íslenskri menningu. Slíkar upplýsingar um hreyfingu geta t.d. nýst við uppbyggingu á einstaklings- og samfélagsmiðaðri þjónustu í formi forvarna og meðferðarúrræða