Другиот и другоста на просторот и времето во твоите = мои очи од Христо Петрески

Поаѓајќи од Бахтиновото сфаќање за естетиката, како сфера во која можат да се спојат когнитивно-теоретските и етичко-практичните сфери, книгата Твоите = мои очи, која самиот автор Христо Петрески ја нарекува трејлер, претставува извонреден спој на овие четири сфери, кои на различен начин ѝ пристапуваат на реалноста. Така тој создава текст кој само навидум промовира профани нешта, а притоа главните актери/ѕвезди во тој негов, т.н. форшпан, се необично обични луѓе од соседството, прикажани во нивната исклучително загатлива итеративност во постапките, со сосема навидум незначителни промени, што е токму она што треба да ја заинтригира читателската публика