Leikskólabörn og ADHD

Einkenni ADHD geta hamlað börnum í daglegu lífi þeirra heima fyrir og á leikskólanum. Einbeitingaskortur, hvatvísi og ofvirkni marka hverja mínútu dagsins hjá barninu með ADHD og hefur áhrif á félagsleg tengsl, líðan og námsgetu. Álag á foreldra er mikið og heimilislíf fjölskyldunnar einkennist gjarnan af af þrætugirni og ágreiningi, ekki síst ef fleiri en eitt barn er með ADHD. Í leikskólanum á barn með ADHD oft í erfiðleikum með að eignast og halda í vini, það fylgir illa reglum og að halda einbeitingu við verkefni getur reynst erfitt. Ritgerðin er samantektarritgerð og tilgangurinn er að athuga hvaða leiðir eru í boði fyrir foreldra til að styðja við uppeldi barna með ADHD. Einnig er fjallað um þau bjargráð sem leikskólakennarar geta nýtt í vinnu með börnum með ADHD til að auðvelda þeim daglegt líf á leikskólanum