Áhrif samfélagsmiðla á ferðahegðun háskólanema

Nú til dags eru samfélagsmiðlar stór áhrifavaldur í vali fólks á áfangastöðum og tegund ferðalaga. Ýmsar aðferðir hafa verið notaðar til þess að skýra ferðahegðun fólks og er ferðamannaáhorfið ein þeirra. Samfélagsmiðlar eru líklegir til þess að ná til fjölda einstaklinga sem geta skoðað myndir og staði aftur og aftur og haft þannig áhrif á val þeirra á ferðastöðum. Ferðamenn nota einnig aðrar aðferðir við val sitt eins og fimm þrepa ákvörðunartökuferli neytenda. Háskólanemendur hafa töluverða möguleika á ferðalögum til að mynda vegna náms síns en einnig til afþreyingar. Markmið þessarar rannsóknar var að skoða hvernig nemendur við Háskóla Íslands nota samfélagsmiðla við undirbúning ferðalaga. Til þess að skoða það var gerð megindlega lýsandi rannsókn og öllum nemendum í grunnnámi við Háskóla Íslands á vorönn 2020 alls 7662 nemendur sent rafrænt kynningarbréf og með því fylgdi rafrænn spurningalisti. Svarhlutfall var lágt eða 9.3% þrátt fyrir eina ítrekun. Helstu niðurstöður voru þær að háskólanemendur notuðust mikið við samfélagsmiðla þegar þeir voru að undirbúa síðasta ferðalag sitt erlendis. Háskólanemendur virtust eyða mestum tíma sínum á Instagram, Facebook og Snapchat en þeir miðlar voru með 84% notkun dreift á milli sín. Háskólanemendurnir notuðust við samfélagsmiðla til að skoða umsagnir, einkunnargjöf og myndir/myndasyrpur frá áfangastaðnum. Niðurstöður þessarar rannsóknar benda til að áhugavert væri að gera samanburðarrannsókn milli háskólanema og annars fólk á svipuðum aldri.Nowadays social media is a big influencer for people when choosing a destination and type of travel. Various methods have been used to explain peoples travel behavior, the tourist gaze is one of them. Social media is likely to reach many people who can examine pictures over and over again and thus influence their choice of destinations. Tourists also use other methods in their choice like the five step consumer decision-making process. University students have considerable possibilities for travel for example because of their studies but also for entertainment. The goal of this research was to look at how students at the University of Icleand use social media while preparing for travel. To study this topic a quantitative method was used where all undergraduates at the University of Iceland enrolled in the spring semester in 2020 a total number of 7662 students were sent an electronic questionnaire with a cover letter. Response rate was low around 9,3% in spite of one reminder. The main results were that the university students used social media a great deal whilst preparing for their last travel abroad. University students seemed to spend most of their time on Instagram, Facebook and Snapchat but those medias had 84% usage distributed between them. University students used social media to look at reviews, ratings and photos/photoseries from the intended destination. The results of this research indicate that it would be interesting to perform a comparison research between university students and other people similarly aged