Markviss málörvun með Lubbi finnur málbein og Lærum og leikum með hljóðin

Málörvun á að fara fram í öllu starfi leikskólans en það er gott að hafa markvissa málörvun í afmörkuðum málörvunarstundum. Námsefnin Lubbi finnur málbein og Lærum og leikum með hljóðin eru bæði gerð með það í huga að örva hljóðkerfið og hljóðin hjá börnum í gegnum málörvunarstundir, verkefni og æfingar. Málörvunarstundir beina athygli barna að einstökum málhljóðum, notkun þeirra í tungumálinu og gefa þeim tækifæri til að æfa þau undir handleiðslu kennara. Markmið þessa verkefnis er að skoða þessi tvö námsefni, bera þau saman og íhuga hvernig væri hægt að vinna að markvissri málörvun með þeim. Námsefnið Lubbi finnur málbein er almennara, tekur fyrir bæði sérhljóð og samhljóð og örvar hljóð- og hljóðkerfisvitund barna í gegnum söng, hreyfingar, myndir, orð og lestur. Á meðan Lærum og leikum með hljóðin fer djúpt í samhljóðanna og örvar hljóð- og hljóðkerfisvitund barna í gegnum verkefni og æfingar. Þetta verkefni setur fram tillögur af markvissum málörvunarstundum sem flétta saman bæði námsefnin. Tillögurnar af stundunum eru skipt niður í fjóra flokka sem eru 1. Læra nýtt hljóð, 2. Æfa hljóð, 3. Kafa dýpra í hljóð og 4. Lesskilningur með áherslu á ákveðið hljóð. Hver flokkur byggir á þeim fyrri og undirbýr fyrir þann næsta sem tekur við