Fráflæðisvandi Landspítala: Kostnaðargreining

Markmið þessarar ritgerðar er að kanna og greina kostnað fráflæðisvanda Landspítala á ársgrundvelli og hvort hann valdi samfélagslegum kostnaði. Greindur verður kostnaður fráflæðisvandans með samanburði kostnaðar núverandi ástands Landspítala við kostnað réttmætra úrræða á hjúkrunarheimilum landsins. Kostnaður sem fjallað verður um hefur verið uppfærður á verðlag ársins 2020. Miðað er við nýjustu tiltæku upplýsingar við gerð rannsóknarinnar og er að mestu byggt á gögnum frá Embætti landlæknis, Efnahags- og framfarastofnuninni, Ríkisendurskoðun og Landspítalanum. Niðurstaða rannsóknar bendir til þess að fráflæðisvandinn valdi gífurlegum samfélagslegum kostnaði. Miðað við þann fjölda sem lá inni á Landspítala í árslok 2019 með gilt færni- og heilsumat, er samfélagslegur kostnaður vegna fráflæðisvanda 2.259.574.109 kr. á ársgrundvelli