Við erum augu, eyru og talsmenn sjúklinga : viðhorf og reynsla sjúkraliðanema, sjúkraliða og hjúkrunarfræðinga til gildis náms sjúkraliða og starfa

Markmið þessarar rannsóknar var að skoða viðhorf og reynslu sjúkraliða og sjúkraliðanema til starfsins og skoða hvort uppbygging sjúkraliðanámsins væri hvati til að starfa við fagið og hvort námið væri góður grunnur fyrir áframhaldi nám innan heilbrigðissviðs. Jafnframt voru þessir þættir kannaðir á meðal hjúkrunarfræðinga sem lokið höfðu sjúkraliðanámi áður en þeir hófu hjúkrunarnám. Eigindleg rannsóknaraðferð með fyrirbærafræðilegri nálgun varð fyrir valinu. Gagna var aflað með viðtölum með notkun hálfstaðlaðra viðtalsramma. Tekin voru 10 einstaklingsviðtöl, fjögur viðtöl voru tekin við hjúkrunarfræðinga sem voru einnig sjúkraliðar í grunninn, þrjú viðtöl við starfandi sjúkraliða og þrjú viðtöl við sjúkraliðanema sem voru á lokaári í náminu. Viðtölin voru öll greind í þemu og textinn flokkaður samkvæmt innihaldi hverju sinni. Helstu niðurstöður rannsóknarinnar gáfu til kynna að sjúkraliðanám væri góður grunnur fyrir sjúkraliðastarfið og fyrir áframhaldandi nám innan heilbrigðissviðs. Þrjú meginþemu komu fram: 1. Ástæður ákvörðunar um sjúkraliðanám; 2. Fjölbreytileiki starfsins: reynsla í verknámi áhrifaþáttur á val vinnustaðar; 3. Ávinningur námsins – viðhorf og virðing. Viðhorf og reynsla þátttakenda af verknámi og nærhjúkrun var almennt mjög góð og hafði áhrif á ákvörðun þeirra um starfvettvang að loknu námi. Af niðurstöðum má draga þær ályktanir að huga mætti betur að þáttum sem lúta að verknámi. Deildir þurfa að vera vel undirbúnar til að taka á móti nemendum og huga þarf að því að slíkar deildir skuli skilgreindar sem lærdómsumhverfi. Leiðbeinendur þurfa að vera tilbúnir til að sinna nemendum, fræða þá og hvetja. Umhverfi sem er hvetjandi, eflir nemendur til frekari náms og eykur starfsánægju. Lykilorð: Sjúkraliðar, hjúkrunarfræðingar, starfsánægja, viðhorf, verknám, virðing.The objective of this study was to examine the attitudes and experiences of licenced practical nurses (LPN) and students towards the job and to investigate whether the structure of the LPN curriculum motivated students to work in this field and if it was a sound foundation for further studies within health care. These factors were also examined among nurses who had completed LPN training prior to commencing their nursing studies. A qualitative qualitative methodology employing a phenomenological approach was chosen. Data was collected using a semi-structured interview frame. Ten individual interviews were conducted. Four of these involved nurses who also had a LPN background, three involved practising LPNs, and another three involved LPN students in their final year.All interviews were analysed using a content analysis method. The main results indicated that the LPN programme provides a sound basis for a career in the field of licenced practical nursing and for further studies within the field of health care. Three main themes emerged from this study: 1. Reasons for selecting the LPN programme; 2. Job diversity: experience of practical training has an impact on the selection of a workplace; 3. Benefits of the programme – attitudes and respect.Participants’ attitudes and experiences of practical training and bedside nursing was generally positive and influenced their choice of place of work after conclusion of their studies.Results suggest that there is a need for improvement considering aspects related to practical training. Departments must be well prepared for receiving students and consider that all such departments should be defined as a learning environments. Supervisors should be prepared to provide students with attention, instruction, and motivation. A motivational environment empowers students towards further studies and increases job satisfaction. Key words: Licenced practical nurses, nurses, job satisfaction, attitudes, practical training, respect