Algunhas achegas ao tratamento do mundo tradicional na narrativa galega: da posguerra aos nosos días

Traballo Fin de Grao en Lingua e Literatura Galegas. Curso 2018-2019Co estourido da Guerra Civil e a posterior etapa de represión, a literatura galega sufriu unha importante paralización da súa produción. Esta situación non mudaría ata chegada da década dos 50, cunha certa recuperación da creación literaria. Unha das primeiras liñas que aparece neste momento é a baseada no tratamento do noso mundo tradicional. Nela destacaron as novelas de autores como Anxel Fole, con "Á lus do candil" e "Terra brava"; ou Álvaro Cunqueiro, coas obras que forman o ciclo das súas "Semblanzas". Esta liña tradicionalista continúa sendo cultivada hoxe en día. Pois ben, o propósito deste traballo é coñecer cal foi a evolución da representación dese mundo tradicional na narrativa galega desde a época da porguerra á actualidade. Para este fin, empregaremos obras de diversos autores, partindo de obras dun dos precursores de dita tendencia, Álvaro Cunqueiro, pero tamén doutros como Darío Xohan Cabana ou Carlos Reigosa, que encarnan diferentes modelos de representación do noso mundo tradicional ao longo das súas obras narrativas. Polo tanto, trataremos de ver que aspectos van mudando e cales outros se manteñen nos diferentes autores e obra