Alt har ein skjønnheit, men ikkje alle ser den

Bakgrunn: I Noreg er forholdet til rus eit aukande problem. Statistikk frå 2019 viser at 35% av menneske i alle aldrar benytter seg av alkohol og illegale rusmiddel ein, eller fleire gongar i veka. Det er ikkje meir enn 16 år sidan denne gruppa menneskjer fekk like rettigheiter som andre pasientgrupper innanfor helsevesenet. Til tross for stigma, dårleg motivasjon og redusert livskvalitet ynskjer me å undersøkje korleis sjukepleiaren kan skape ein relasjon som motiverer til endring og eit betre liv hos opioidavhengig. Problemstilling: Korleis kan sjukepleiaren gjennom relasjon legge til rette for motivasjon i rusbehandling? Hensikt: Å få belyst viktigheita av ein god relasjon mellom sjukepleiar og pasient, og korleis denne relasjonen vidare kan skape motivasjon og endring i forhold til livsstil. Studien baserar seg på eit sjukepleiefagleg perspektiv. Metode: Bacheloroppgåva er basert på ein systematisk litteraturstudie. Me har benytta oss av både sjølvvalt litteratur og pensumlitteratur. Forskingsartiklar og lover som belyser problemstilling er òg nytta. Det er fem kvalitative, ein kohort og ein forskningsartikkel med kombinert design. Vidare har me applisert erfaringar frå praksis. Resultat: Funn frå forsking har vist at ein god relasjon mellom sjukepleiar og pasient er heilt grunnleggande for oppleving av motivasjon og god behandlingseffekt. Samt har fysisk aktivitet gunstig effekt i fleire fasar i rusbehandling. Konklusjon: Ei sentral oppgåve for sjukepleiaren vil være å bygge ein god relasjon og motivere til endring gjennom ulike tiltak som fremmar autonomi og auka sjølvfølelse. Samtidig er det nødvendig med brukarmedverknad og lytte til pasienten sine behov