Kynfræðsluspilið Sleikur : umræðuspil um kynfræðslu í skóla- og frístundastarfi með unglingum : greinargerð

Þeim sem hafa notið þeirra forréttinda að vinna með unglingum er kunnugt um hvernig starfsumhverfi frítímaþjónustu með unglingum býður upp á mikið rými til fræðslu og forvarna. Rannsóknir á viðhorfum ungs fólks til kynfræðslu á Íslandi hafa leitt í ljós að mörg þeirra upplifa sig ekki fá næga fræðslu frá viðeigandi aðilum. Þá benda niðurstöður jafnframt á að ungmenni hafa skoðun á því hvaðan þau vilja fá kynfræðslu, innihaldi hennar og hverslags kennsluaðferðum sé beitt. Fræðsla innan veggja félagsmiðstöðva fer fram á ýmsan máta, ósjaldan í gegn um samtöl og umræður með óformlegum hætti. Verkefni þetta samanstendur af tveimur hlutum, greinargerð og fræðsluspili. Kynfræðsluspilið Sleikur samanstendur af orðskýringaleikjum, klípusögum og umræðuverkefnum. Spilið er hugsað sem verkfæri fyrir frístundaleiðbeinendur, til þess að efna til umræðu og fræða ungmenni um víðtæk viðfangsefni kynfræðslu og samskipta með hálf-formlegum hætti. Markmið greinargerðarinnar er að renna stoðum undir notagildi slíks verkfæris í frístundastarfi með ungu fólki, ásamt því að varpa ljósi á mikilvægi fjölbreyttra fræðsluaðferða og hlutverk leiðbeinenda. Kynfræðsluspilið Sleikur hefur verið prófað með unglingum í félagsmiðstöðvastarfi frá upphafi ársins 2019 og fram að vinnslu þessa verkefnis. Í þessari greinargerð má meðal annars finna umfjöllun um vinnslu og þróun spilsins