Meðferðir við lífslok og dánaraðstoð á Íslandi: Kostnaðargreining

Markmið þessarar ritgerðar er að bera saman kostnað núverandi meðferðarúrræða við lífslok og kostnað dánaraðstoðar yrði hún leyfð. Þá verður tekinn saman fjöldi þeirra sem myndu fá dánaraðstoð sem og aldur þeirra og sjúkdómsgreining. Viðmiðunarár er 2020 og miðað er við að legur fari fram í heimahúsum, á legudeildum Landspítalans og hjúkrunarheimilum. Kostnaður við dánaraðstoð miðast eingöngu við ferlið og framkvæmdina sjálfa en lögleiðing og tilheyrandi kostnaður verður litinn sem sokkinn kostnaður. Að mestu er byggt á gögnum frá Hollandi við greiningu á dánaraðstoð en aðrar upplýsingar koma að stórum hluta frá Lyfjagreiðslunefnd ríkisins og Landsspítalanum. Niðurstöður greiningarinnar benda til þess að mikill munur sé á kostnaði við dánaraðstoð samanborið við núverandi meðferðarúrræði. Þar sem núverandi meðferðar úrræði eru um 32,6 m.kr. kostnaðarsamari á mann að meðaltali. Í umræðunni um dánaraðstoð hérlendis er því vert að taka til greina þennan viðbótarkostnað með tilliti til ríkjandi fjármagnsskorts í heilbrigðiskerfinu