Listin að telja: Kennslurit í talningar- og fléttufræði fyrir framhaldsskóla

Kennslurit í talningar- og fléttufræði í þremur köflum. Í fyrsta kafla er farið yfir undirstöðuatriði og grundvallarhugtök í stærðfræði á borð við hrópmerkingu, samsetningar, umraðanir, strengi, runur, raðir og veldaraðir, sýnt hvernig unnið er með þessi hugtök og hvernig ýmis afbrigði þeirra eru talin. Jafnframt verða grundvallarreglur talningarfræðinnar, á borð við margföldunarreglu og samlagningarreglu, settar fram og farið yfir hvernig þeim er beitt. Í öðrum kafla eru framleiðandi raðir og framleiðandi föll kynnt til sögunnar, farið yfir framleiðandi föll sem gott er að þekkja, reikniaðgerðir á framleiðandi föllum skilgreindar og stuðlaregla sett fram. Í þriðja og síðasta kaflanum eru rakningarvensl skilgreind, kíkisaðferð og ítrunaraðferð til að leysa rakningarvensl settar fram og sýnt hvernig nota má framleiðandi föll til að leysa rakningarvensl