Skiptir máli í huga neytenda hvort vörur eru í umhverfisvænum umbúðum?

Viðfangsefni ritgerðinnar er að rannsaka hvort að neytendur séu líklegri til þess að kaupa vöru sé hún klædd umhverfisvænum umbúðum. Almennt séð er það talið að vitund almennings á umhverfisvandamálum heimsins sé að aukast með hverjum degi. Það er því áhugavert að skoða hvort að það sé eftirspurn fyrir vörum í umhverfisvænum umbúðum. Jörðin hefur takmarkað magn af auðlindum og ef fyrirtæki og stofnanir halda áfram að ofnýta auðlindir plánetunnar þá erum við að búa til mikla hættu fyrir komandi kynslóðir. Fræðilegum hluta ritgerðarinnar er skipt í þrjá hluta, samfélagslega ábyrgð, helstu umbúðir sem eru notaðar utan um matvæli í daglegu lífi og kauphegðun neytenda. Það eru þrjú atriði sem skilgreina samfélagslega ábyrgð, siðferðisleg skylda, sjálfbærni og rekstrarleyfi. Umbúðir sem hafa neikvæð áhrif á umhverfið okkar er plast og málmar, flest plast sem framleitt endar í sjónum og hefur það slæm áhrif á sjávarlíf. Framleiðsla á málmum gerir það að verkum að mikið af hættulegum lofttegundum fara út í andrúmsloftið okkar, eins og sjá má í Kína en þar gengur fólk iðulega um með grímu fyrir andlitinu. Það eru þrjú atriði sem hafa áhrif á kauphegðun neytenda, þau atriði eru markaðssetning og önnur atriði, hugur kaupanda og viðbrögð kaupanda. Framkvæmd var megindleg rannsókn með rafrænu hentugleikaúrtaki. Spurningalisti var saminn og innihélt hann átta spurningar, notast var við samfélagsmiðilinn Facebook til að dreifa rannsókninni, samtals fékk rannsóknin 381 svör og voru flestir þátttakenda á aldrinum 19-34 ára. Kannað var hvort að almenningur gerði sér grein fyrir hvaða vörur væru umhverfisvænar og hvaða vörur væru það ekki. Einnig var það kannað hvort að ef þátttakendur fengju val milli tveggja eins matvæla, hvort þeir myndu velja vöruna sem klædd væri umhverfisvænum umbúðum. Helstu niðurstöður voru þær að neytendur væru líklegri að kaupa þær matvörur sem klæddar eru umhverfisvænum umbúðum. Meirihluti úrtaks var reiðubúinn að borga meira fyrir vöru sem klædd er í umhverfisvænar umbúðir. Fyrirtæki verða að átta sig á því að græn stefna er mikilvægur liður í markaðssetningu , með því að innleiða hana geta þau haldið eða skapað samkeppnisforskot