Langtímaafleiðingar þess að verða vitni af heimilsofbeldi í æsku

Heimilisofbeldi getur haft margvíslegar skaðlegar afleiðingar í för með sér. Afleiðingar geta náð yfir langt tímabil og jafnvel enst út alla ævi. Mikið andlegt álag fylgir því að búa við aðstæður þar sem ríkir mikil spenna og erfitt að spá fyrir um hvenær ofbeldisverknaður sé yfirvofandi. Börn sem verða fyrir heimilisofbeldi geta glímt við alls kyns afleiðingar á þeim tíma sem ofbeldið á sér stað, til dæmis getur slík reynsla haft takmarkandi áhrif á félagslegan þroska og sálræn vandkvæði eru líkleg, líkt og kvíði, þunglyndi og áfallastreituröskun. Einnig er hætta á skertri getu til náms. Slíkar afleiðingar geta haft alvarleg, skaðleg áhrif á líf einstaklinga sem vara jafnvel ævilangt. Markmiðið með ritgerð þessari er að draga fram alvarleika þess sem heimilisofbeldi getur haft í för með sér. Áhersla er lögð á þær langtímaafleiðingar sem það getur haft í för með sér þegar barn verður vitni að ofbeldi innan veggja heimilisins. Leitast verður við að svara eftirfarandi spurningum: Hverjar eru helstu langtímaafleiðingar þess að verða vitni að heimilisofbeldi? Hvaða afleiðingar hefur það að alast upp við heimilisofbeldi á heilsu á fullorðinsárum? Hvaða afleiðingar hefur það að alast upp við heimilisofbeldi á menntun á fullorðinsárum? Hvaða afleiðingar hefur það að alast upp við heimilisofbeldi á parasambönd í seinni tíð