Innlimun alls sem er: Kapítalískt raunsæi og djúpsæ visthyggja

Markmið ritgerðarinnar er að gera grein fyrir tveimur tegundum hagvaxtar: Hefðbundnum hagvexti hagkerfisins annars vegar og hugmyndafræðilegum hagvexti hins vegar. Gerð er grein fyrir hvernig hefðbundinn hagvöxtur hefur skaðleg áhrif á umhverfið í gegnum þá nauðsyn hagkerfisins að vaxa sífellt. Einnig er skoðað hvernig hugmyndafræðilegur hagvöxtur nær að innlima nánast allt inn í kerfi kapítalismans, og hvaða áhrif það hefur á samfélagið. Að lokum er djúpsærri visthyggju lýst og sýnt fram á hvernig nota mætti hana til að sporna gegn hefðbundnum hagvexti hagkerfisins og hugmyndafræðilegum hagvexti