Markaðsáætlun KEX: Samkeppnisstaða og möguleg sóknarfæri

Góð og ítarleg markaðsáætlun er undirstaðan til þess að fyrirtæki geti sinnt sem best viðskiptavinum sínum og þeirra þörfum. Markmið ritgerðarinnar var að vinna markaðsáætlun fyrir KEX hostel og leitast eftir á hverju þeirra samkeppnisstaða byggi á og mögulegum sóknarfærum á markaði. Við efnissöfnun fyrir ritgerðina voru teknir nokkrir fundir og lagðar fyrir spurningar við einn af stofnendum og fyrrverandi eiganda KEX. Niðurstöður markaðsgreiningarinnar gáfu til kynna að viðhalda þarf vörumerkjavitund KEX meðal almennings, hvað KEX stendur fyrir og hvaða vörur og þjónustu fyrirtækið hefur upp á að bjóða. Samkeppnisstaða KEX byggir á því fjölbreytta vöruúrvali og viðskiptavinahópi sem sækir KEX, þ.e. innlendir gestir og erlendir ferðamenn. Sóknarfæri KEX felast í því að sækja meira inn á innlendan markað. Í ljósi aðstæðna og fordæmalausa ástands sem nú ríkir, á ferðamannaiðnaðurinn mjög svo undir höggi að sækja og má gera ráð fyrir því að á næstu misserum verður lítið sem ekkert af erlendum ferðamönnum hér á landi. Til þess að KEX geti komist í gegnum þessa djúpu lægð er mikilvægt að sækja fram á innlenda markaðinum og laða til sín íslenska gesti